OTMga o‘qishga kirish uchun beriladigan imtiyozlar qayta ko‘rib chiqiladi


2020 yilda ta'lim sohasida amalga oshirilishi zarur bo‘lgan dolzarb masalalar, belgilangan maqsadli ko‘rsatkichlar va islohotlarni jadallashtirish bo‘yicha rejalashtirilgan ishlarning «yo‘l xaritasi» tasdiqlandi.

Unga ko‘ra, oliy ta'lim muassalariga o‘qishga kirish uchun belgilangan imtiyozlarga ega talabgorlarni davlat qabul parametrlaridan tashqari o‘rinlarga qabul qilish mexanizmini joriy etish ham nazarda tutilmoqda.

Buning uchun 2020 yil 15 fevralgacha OTMlarga o‘qishga kirish uchun beriladigan imtiyozlar Oliy va o‘rta maxsus ta'lim vazirligi, DTM, tasarrufida ta'lim muassasalari bo‘lgan vazirlik va idoralar tomonidan qayta ko‘rib chiqiladi.

Nogironligi bo‘lgan shaxslarning toifaga ko‘ra imtihonlarda (kasbiy, ijodiy yoki test sinovlari) ishtirok etishi bo‘yicha takliflar 15 martgacha tayyorlanadi va 15 martgacha ularning ishtirok etish tartibi ishlab chiqiladi.

Ishlab chiqilgan takliflar Vazirlar Mahkamasiga 1 mayga qadar taqdim etiladi.