Kam ta’minlangan oilalar farzandlari kasb-hunar kollejlarida bepul o‘qiydi


Prezidentning 2018-yil 3-fevralda «O‘zbekiston Respublikasi Oliy va o‘rta maxsus ta’lim vazirligining O‘rta maxsus, kasb-hunar ta’limi markazi faoliyatini takomillashtirish to‘g‘risida»gi qarori qabul qilindi.

Mazkur hujjat bilan O‘rta maxsus kasb-hunar ta’limi markazi faoliyati takomillashtirildi.

Hujjatda kasb-hunar kollejlarining moliyalashtirish manbalaridan biri sifatida to‘lov-kontrakt asosida o‘qitish uchun tushadigan mablag‘lar ham ko‘rsatilgan.

To‘lov-kontrakt qiymati Moliya vazirligi tomonidan tegishli tashkilotlar bilan kelishilgan holda o‘rnatiladi.

Shu bilan birgalikda kam ta’minlangan oilalardan bo‘lgan o‘quvchilar kasb-hunar kollejlarida bepul asosda o‘qishi belgilab qo‘yildi.